Үш каът чаа эмнелге белен – Тува Пресс
НовостиОбщество

Үш каът чаа эмнелге белен

Россияныӊ камгалал яамызыныӊ шериг-тудуг комплекизиниӊ специалистери республиканыӊ найысылалынга амгы үениӊ консультация-диагностика төвүн тудуп кылган.

Үш каът чаа поликлиникага бир хүнде 300 пациентини хүлээп болур. Аарыгларныӊ диагнозун шынарлыы-биле тодарадырынга, амбулаторлуг эмнээшкин болгаш хирургия кезиишкиннерин эрттиреринге таарымчалыг болур дээрзин шериг ведомствозу дыӊнаткан.

Диагностика төвүнде флюорография, рентген, томография, херелдиг диагностика, физиотерапия кабинеттери бар. Кислород станциязын база дерип кылган. Аарыг улусту хүлээринге, эмнээринге чугула херектиг чүүлдерниӊ шуптузун белеткээн.

Эмчиге кирерде, бижидип алыр сенсорлуг экранныг херексел тургузуп каан. Эмчи төвүнге келген улусту ол электроннуг оочурга чурум аайы-биле хуваап турар.

РФ-тиӊ Президентизиниӊ шиитпири-биле шериг тудугжулары баштай 200 оруннуг эмнелгени тудуп кылгаш, эрткен чылын дуужаган. Камгалал яамызы ол эмчи төвүн амгы үениӊ медицина техниказы-биле хандырган. Ында компьютерлиг томографтар, анестезиология, эндоскопия, экстракорпоралдыг мембранна оксигинациязыныӊ эмчи херекселдери, ПЦР-диагностика кылыр стационарлыг лаборатория ажылдап турар. Чурттакчы чонга шынарлыг эмчи дузазын чедирер буянныг ажыл чогумчалыг бүдүп турар.

Похожие записи

Добавить комментарий

Ваш адрес email не будет опубликован. Обязательные поля помечены *

Заполните поле
Заполните поле
Пожалуйста, введите корректный адрес email.
Вы должны согласиться с условиями для продолжения

Новости

Популярные записи

Меню